საშემსრულებლო ხელოვნება

​საქართველოს პრეზიდენტმა იაპონურ კომპანიას Japan Arts ტოკიოში ქართული ოპერის დადგმა შესთავაზა

საქართველოს პრეზიდენტმა იაპონურ კომპანიას-Japan Arts ტოკიოში ქართული ოპერის დადგმა შესთავაზა. პრეზიდენტის ადმინისტრაციის ინფორმაციით, ინიციატივა საქართველოს პრეზიდენტმა დღეს ტოკიოში, Japan Arts- ში შეხვედრაზე დააყენა.

ეს კომპანია უკვე 40 წელზე მეტია, მთელ მსოფლიოში იაპონური კულტურის პოპულარიზაციას ეწევა და იაპონური კულტურული ღონისძიებების ჩატარებას უზრუნველყოფს. 

სალომე ზურაბიშვილმა და კომპანიის პრეზიდენტმა, ჯუნიჩი ნიჰეიმ, შეხვედრაზე საქართველო-იაპონიას შორის კულტურული ურთიერთობები განიხილეს და სამომავლო თანამშრომლობის მიმართულებებზე ისაუბრეს.

„ოპერასა და ბალეტზე საუბრისას შესანიშნავი შესაძლებლობა მომეცა, გავცნობოდი ფრაგმენტს ქართული ოპერიდან. ჩვენ ვმუშაობთ ქართველ სოლისტებთან, მათ შორის დიდ პიანისტთან, ელისო ვირსალაძესთან. 
ჩვენი სურვილია, ასეთი ურთიერთობები მომავალში უფრო განვავითაროთ და გავაღრმავოთ“, – განაცხადა ჯუნიჩი ნიჰეიმ.

საქართველოს პრეზიდენტი იაპონიაში ვიზიტით იმყოფება.

კომენტარები

კომენტარი