ლიტერატურა

გერმანელი გამომცემლები წიგნის ეროვნული ცენტრის გაუქმების შესახებ გადაწყვეტილებას გამოეხმაურნენ

სამინისტროს გადაწყვეტილებას, ქართული წიგნის ეროვნული ცენტრის გაუქმებასთან დაკავშირებით, გერმანელი გამომცემლები გამოეხმაურნენ.

გერმანელ გამომცემელთა გაერთიანებამ “Kurt Wolff Stiftung” გაავრცელა ქართული წიგნის ეროვნული ცენტრის მხარდამჭერი წერილი, რომელსაც ამ დროისთვის ხელს 60-მდე გერმანელი გამომცემელი და მთარგმნელი აწერს:

“საპროტესტო წერილი ქართული წიგნის ეროვნული ცენტრის მოსალოდნელი გაუქმების თაობაზე.

საქართველოს განათლების, მეცნიერების, კულტურისა და სპორტის მინისტრს, ბატონ მიხეილ ბატიაშვილს.

ბატონო მიხეილ,
ჩვენ, კურტ ვოლფის ფონდი და გამომცემლები კატეგორიულად არ ვეთანხმებით ქართული წიგნის ეროვნული ცენტრის მოსალოდნელ დახურვასა და შესაბამისად მისი ხელმძღვანელობის დათხოვნას.

ჩვენ ოთხი წლის განმავლობაში ვთანამშრომლობდით ქართული წიგნის ეროვნულ ცენტრთან და საშუალება გვქონდა, დავრწმუნებულიყავით, რამდენად პროფესიონალი, ეფექტური და კრეატიული გუნდითაა ეს ცენტრი დაკომპლექტებული. ალბათ არცერთ ჩვენგანს ასეთი პროფესიონალებისაგან შემდგარი გუნდი და კარგად ორგანიზებული ქვეყნის საპატიო სტუმრობა ფრანკფურტში არ ექნება ნანახი. ის სამუშაო, რაც ქართული წიგნის ეროვნულმა ცენტრმა ფრანკფურტისათვის გასწია, კიდევ მრავალი წლის განმავლობაში გამოიღებს თავის შედეგს. ჩვენ ყველას გვინდა მომავალშიც ქართული წიგნის ეროვნული ცენტრის ამჟამინდელ გუნდთან ვითანამშრომლოთ, რათა მათი ცოდნა, დახმარებისათვის მზადყოფნის სურვილი და კომპეტენცია მომავალშიც აუცილებლად გამოგვადგება. აქვე უნდა ითქვას, რომ აუცილებელია, ქართული წიგნის ეროვნული ცენტრი, ისევე როგორც სხვა მსგავსი ინსტიტუციები სხვადასხვა ქვეყანაში, როგორც აქამდე იყო, სრულიად დამოუკიდებელი დარჩეს და პოლიტიკურ გადაწყვეტილებებს არ დაექვემდებაროს. ჩვენ წიგნის ცენტრის არაჩვეულებრივ გუნდთან ერთად საძირკველი ჩავუყარეთ ქართული ლიტერატურის პოპულარიზაციას გერმანულენოვან ქვეყნებში და ყველაფერს გავაკეთებთ, რომ ამ საძირკველს საფრთხე არ დაემუქროს. ქართული ლიტერატურის წარმატება გერმანიასა და გერმანულენოვან ქვეყნებში მედეა მეტრეველისა და მისი თანამშრომლების დამსახურებაა. ეს წარმატებული საქმიანობა კი შესაძლებელია გაგრძელდეს მხოლოდ ამ გუნდთან ერთად, რადგან ის ნდობა რომელიც მათ წლების განმავლობაში მოიპოვეს, სხვა პირებზე და ინსტიტუციებზე არ გავრცელდება.

ვითვალისწინებთ რა ქართველი ავტორების მთარგმნელებისა და გამომცემლების ინტერესს, გთხოვთ, ქართული წიგნის ეროვნული ცენტრი დატოვოთ იმ ხელმძღვანელობის ქვეშ და იმ შემადგენლობით, როგორითაც ის ახლაა წარმოდგენილი, თუკი გსურთ, რომ ქართული ლიტერატურის გამოცემის პროცესი გერმანულად, მომავალშიც ნაყოფიერად წარიმართოს.
Christoph Haacker (Arco)
Britta Jürgs (AvivA)
Sonja Matheson (Baobab Books)
Ulrich Hopp, Dr. Robert Zagolla (Bebra)
Ina Beneke, Mareike Gill, Sabine Manke, Norman Rinkenberger (Büchner)
Dr. Tatjana Michaelis (Carl Hanser)
Stefan Wirtz (Conte)
Zoë Beck und Jan Karsten (Culturbooks)
Mario Pschera (Dagyeli Verlag)
Peter Graf (Das Kulturelle Gedächtnis)
Nora Frisch (Drachenhaus)
Axel Dielmann (Dielmann)
Sabine Dörlemann (Dörlemann)
Sascha Simon (ebersbach&simon)
Andreas Rostek (Edition foto.TAPETA)
Silke Weniger (Edition Fünf)
Josefine Rosalski (Edition Karo)
Stefan Monhardt (Edition Monhardt)
Katharina Florian, Katharina Picandet (Edition Nautilus)
Stephan Trudewind (Edition Orient)
Georg Aehling (Edition Virgines)
Ingo Držečnik (Elfenbein)
Dr. Joachim Unseld (Frankfurter Verlagsanstalt)
Wolfgang Hörner (Galiani)
Sewastos Sampsounis (Größenwahn)
Sebastian Guggolz (Guggolz)
Jörg Böcken (Klak)
Hubert Klöpfer (Klöpfer, Narr)
Julia Aparicio Vogl und Alfred Klemm (Kröner)
Antje Kunstmann (Kunstmann)
Viktor Kalinke (Leipziger Literaturverlag)
Dr. Frank Böttcher (Lukasverlag)
Daniel Beskos und Peter Reichenbach (Mairisch)
Barbara Miklaw (Mirabilis)
Roman Pliske, Jana Krimmling (Mitteldeutscher Verlag)
Dr. Philipp Dyck (NORA Verlag)
Volker Oppmann (Onkel&Onkel / mojoreads.de)
Anna Mandalka (Orlanda Buchverlag)
Catharine Nicely (PalmArtPress)
Günther Butkus (Pendragon)
Monika Bilstein (Peter Hammer Verlag)
Peter Kirchheim (P. Kirchheim)
Felicitas von Lovenberg (Piper)
Isabel Kupski (S. Fischer Verlag)
Manfred Rothenberger (Starfruit Publications)
Karen Grol-Langner (Stories & Friends)
Gudrun Fröba, Rainer Nitsche (TRANSIT Verlag)
Ulrike Helmer (Ulrike Helmer Verlag)
Jörg Sundermeier und Kristine Listau (Verbrecher)
Karina Fenner, Leif Greinus, Sebastian Wolter (Voland & Quist)
Stefan und Barbara Weidle (Weidle)
Anya Schutzbach (weissbooks.w)
Prof. Dr. Hans-Günter Thien (Westfälisches Dampfboot)
Erika Hornbogner (Wieser/Drava)
Manfred Metzner (Verlag Das Wunderhorn)
Dietrich zu Klampen (zu Klampen)
Kristiane Lichtenfeld (Literaturübersetzerin)
Rachel Gratzfeld (Literatur aus Georgien)”
წერილზე ხელმოწერები გრძელდება.”

კომენტარები

კომენტარი