კულტურა

რას სთხოვენ ქართველი ბავშვები ყველაზე მეტად სანტა კლაუსს?

“აიფიემმა“ წინასაახალწლოდ საქართველოში 1000 რესპონდენტი გამოკითხა და გაარკვია, როგორია ქართველების მოლოდინები ახალ, 2019 წელთან დაკავშირებით.
როგორც გამოირკვა, ახალ წელს მოსახლეობის უმეტესობა (90.7%) იმედიანი განწყობით ხვდება და ფიქრობს, რომ ახალი წელი მათი ოჯახისთვის წინა წელთან შედარებით უკეთესი წელი იქნება. 4.5% ვარაუდობს, რომ 2019 წელი იგივენაირი წელი იქნება, როგორიც წინა, 2018 წელი იყო, 4.8%-ის პროგნოზი კი პესიმისტურია.

 

რესპონდენტებს მათი საახალწლო სურვილების შესახებაც ვკითხეთ. კითხვაზე, რა სურვილის ასრულებას სთხოვდნენ თოვლის ბაბუას, უმეტესობა საზოგადო კეთილდღეობას (29%) და ჯანმრთელობას (21%) ასახელებს. ზოგიერთის სურვილი უფრო კერძოა და ვალების გადახდას (14%) ან პირად შენაძენს ეხება. გამოკითხულთა მცირე ნაწილი (3%) კი ჯიუტად აცხადებს, რომ თოვლის ბაბუა არ არსებობს!

როგორც ჩანს, ქართველებს მსოფლიოში ერთ–ერთი ყველაზე პოპულარული საახალწლო მელოდია ჯერ არ მობეზრებიათ. გამოკითხულთა 46%–ს ყველაზე მეტად სიმღერა „Jingle Bells” უქმნის საახალწო განწყობას. ქართული სიმღერებიდან კი მათთვის ყველაზე საყვარელი საახალწლო სიმღერა „ალილო“ (12%) და „მრავალჟამიერია“ (11%).

 

კომენტარები

კომენტარი