არქიტექტურა, არქეოლოგია კულტურა

ბორჯომი სამუზეუმო ქალაქი გახდება

საქართველოს კულტურული მემკვიდრეობის დაცვის ეროვნული სააგენტომ წარადგინა პროექტი „ბორჯომი – სამუზეუმო ქალაქი“, რომელიც XIX-XX საუკუნეების მიჯნაზე აგებული ხუთი უნიკალური ისტორიული შენობის რეაბილიტაციას, ერთი საიტი-ატრაქციის შექმნასა და ერთიან სამუზეუმო კონცეფციაში მოქცევას ითვალისწინებს.
პროექტში წარმოდგენილია ბორჯომის 5 მუზეუმი:
• ახალი კავალერიის კორპუსში – გამოყენებითი ხელოვნების მუზეუმი;
• რომანოვების ყოფილ კანცელარიაში – ბორჯომის მხარის ისტორიის მუზეუმი;
• მოლდენჰაუერის ჰიდროელექტროსადგურის შენობაში – ინდუსტრიული მემკვიდრეობის მუზეუმი;
• ბორჯომის მინერალური წყლის ქარხანაში – ბორჯომის მინერალური წყლის ისტორიის მუზეუმი;
• ლიკანის სასახლეში – სასახლე-მუზეუმი და მრავალფუნქციური კომპლექსი;
ერთი საიტი- ატრაქცია:
პირველი ორთქმავლისა და ცემი-ბაკურიანის ეიფელის სარკინიგზო ხიდის გამოყენებით მოეწყობა საიტი ღია ცის ქვეშ “პირველი რკინიგზა”;
ამის შესახებ ინფორმაციას საქართველოს კულტურისა და სპორტის სამინისტრო ავრცელებს.

კომენტარები

კომენტარი