ვიზუალური ხელოვნება

ნიკო ფიროსმანის 100 წლისთავისადმი მიძღვნილი გამოფენა იხსნება

ფოლკლორის სახელმწიფო ცენტრის „გალერეაში“ ნიკო ფიროსმანის 100 წლისთავისა და ასოციაციის 30 წლისთავისადმი მიძღვნილი საგაზაფხულო გამოფენა გაიხსნება.

ექსპოზიციაზე გამოიფინება ასოციაციის წევრი 22 მხატვრის სახვითი და გამოყენებითი ხელოვნების 100-მდე ნიმუში – სხვადასხვა მეთოდით (ჭედურობა, ფილიგრანი) შესრულებული საიუველირო ნაკეთობები.

ღონისძიება ნიკო ფიროსმანის სახელობის საერთაშორისო შემოქმედებითი ასოციაციის ინიციატივით ხორციელდება.

ფიროსმანის სახელობის საერთაშორისო შემოქმედებითი ასოციაცია 1988 წელს დაფუძნდა. ასოციაცია ატარებს შემოქმედებით ღონისძიებებს: ძირითადად, აწყობს გამოფენებს საქართველოში და საზღვარგარეთ. ასოციაციაში გაერთიანებულია 64 ქართველი და უცხოელი მხატვარი.

გამოფენა დღეს გაიხსნება და 21 მაისამდე გაგრძელდება.

კომენტარები

კომენტარი