კინო

ცნობილი რეჟისორი მილოშ ფორმანი გარდაიცვალა

ოსკაროსანი რეჟისორი მილოშ ფორმანი 86 წლის ასაკში გარდაიცვალა, – ამის შესახებ ინფორმაციას Reuters ავრცელებს.

მილოშ ფორმანის მეუღლის განცხადებით, რეჟისორი პარასკევს ამერიკის შეერთებულ შტატებში ხანმოკლე ავადმყოფობის შემდეგ გარდაიცვალა.

ფორმანი 1932 წლის 18 თებერვალს ჩეხეთში დაიბადა, თუმცა 1968 წელს საცხოვრებლად აშშ-ში გადავიდა. 1970 წელს ამერიკის მოქალაქეობა მიიღო.

რეჟისორს ყველაზე დიდი აღიარება მოუტანეს ფილმებმა „ვიღაცამ გუგულის ბუდეს გადაუფრინა“ და „ამადეუსი“. ფორმანს სწორედ ამ ფილმებმა მოუტანა პრესტიჟული ამერიკის ფილმის აკადემიის ჯილდო – ოსკარი.

კომენტარები

კომენტარი