ლიტერატურა

“მგონი გამოეპარათ, რომ ილია მართალი და ილია ჭავჭავაძე ერთი და იგივეა”

სოციალურ ქსელში ვირუსულად ვრცელდება ნატაშა ლომოურის სტატუსი, სადაც ის საქართველოს მწერალთა კავშირშის მიერ დაგეგმილ დაჯილდოებაზე საუბრობს. ფაქტმა ლიტერატურულ საზოგადოებაში უკმაყოფილება გამოიწვია.

“არტნიუსი” გთავაზობთ ნატაშა ლომოურის განცხადებას:

“ამასწინათ Mariam Tsiklauri- ს პოსტი შემხვდა, სადაც მარიამი, ჩემი აზრით, სრულიად სამართლიანად აპროტესტებდა გაუგებარი გაერთიანებების მიერ პანტაპუნტით, უაპელაციოდ ლიტერატურული პრემიების და წოდებების მინიჭებას. მწერალთა სახლში ჩემი მუშაობის განმავლობაში უამრავი ასეთი თვითშემოქმედება მინახავს, მაგრამ იმან, რაც ხვალ ჩვენთან იგეგმება – მეც კი გამაკვირვა. ჩვენ ჩაგვანიშნინეს ვინმე ქალბატონ ციცინო ბოჭორიშვილის სონეტების პრეზენტაცია. ირკვევა, რომ პრეზენტაციას მოყვება დაჯილდოების ცერემონია. რამდენად სწორია, რომ რაღაც გაუგებარმა კავშირებმა და ფონდებმა, ასე “გულუხვად” არიგონ ილია ჭავჭავაძის, ვაჟა–ფშაველას და შექსპირის პრემიები?! (თან მგონი გამოეპარათ, რომ ილია მართალი და ილია ჭავჭავაძე ერთიდაიგივე პიროვნებაა)
კულტურის სამინისტრო ან შესაბამისი უწყება ალბათ უნდა დაინტერესდეს როდესმე ამ საკითხით და რამე რეგულაციები შემოიღოს.

მოკლედ იმის თქმა მინდა, რომ მწერალთა სახლი ემიჯნება დაჯილდოების ამ “ბრწყინვალე” ცერემონიას, თუმცა იძულებული ვართ დავუთმოთ დარბაზი.”

კომენტარები

კომენტარი