საშემსრულებლო ხელოვნება

“მხოლოდ ქართულის” ფინალისტი მოატყუეს და კუთვნილი საჩუქარი არ გადასცეს

გიორგი ძოწენიძე პოპულარული სიმღერის კონკურსის, “მხოლოდ ქართულის” მესამე სეზონის ფინალისტი გახდა.

ამ წარმატების გამო კომპანია “ავერსმა” მას ლეგენდარული სტივ ვანდერის კონცერტზე დასასწრები ბილეთი საჯაროდ გადასცა.

მაგრამ, როგორც აღმოჩნდა, მომღერალი მოტყუებული დარჩა და ის სტივ ვანდერის კონცერტზე დასწრებას ვერ შეძლებს:

“მინდა ერთი მოკლე სამწუხარო ინფორმაცია მოგაწოდოთ.

ვანდერის კონცერტი. რომელიც გადმომცა ავერსმა. იყო ჩემთვის საოცნებო საჩუქარი. ჩემი ემოციაც ამაზე მეტყველებდა და წარმოსადგენადაც ადვილია როცა ოცნება გისრულდება როგორი სიხარული გაქვს.

მაგრამ. დაუდევრობის.. შეცდომის.. ან რავიცი რის გამო (მოტყუება მაინც არ მინდა ვთქვა) ეს კონცერტი დანიაში როგორც ჩანს არარსებობს.

არის ვანდერისადმი მიძღვნილი კონცერტი სადაც 4 დანიელი მუსიკოსი უკრავს და სტივი ვანდერს შეხებაც არ აქვს ამ კონცერტთან . ალბათ არც იცის რო ტარდება.

ჰო და ამიტომ ვადებული ვარ ყველას გითხრათ სიმართლე რადგან ვიცი ჩემთან ერთად თქვენც ძალიან გაგიხარდათ ჩემი ოცნების ასრულება. ამიტომაც ვალდებული ვარ და მინდა იცოდეთ ყველამ რომ ასეთი კონცერტი არ არსებობს და სულ ტყუილად გვიხაროდა”, – აცხადებს გიორგი ძოწენიძე.

კომენტარები

კომენტარი