ლიტერატურა

გოგებაშვილის პრემიის ფინალისტები გამოვლინდნენ

იაკობ გოგებაშვილის სახელობის საბავშვო და საყმაწვილო ლიტერატურული პრემიის ჟიურიმ ფინალისტები გამოავლინა.
იაკობ გოგებაშვილის სახელობის პრემია საქართველოს კულტურისა და ძეგლთა დაცვის სამინისტრომ საქართველოს მწერალთა სახლთან ერთად 2017 წელს დააარსა. პრემია ყოველწლიური იქნება; მისი მიზანი საბავშვო მწერლებისა და გამომცემლების გააქტიურება და წახალისებაა. წელს პრემია პირველად გაიცემა.
კონკურსში მონაწილეობის უფლება ჰქონდა 2016 წელს საქართველოში გამოცემულ წიგნებს, პიესებს, რომლებსაც ელექტრონული სახით მივიღეთ (კონკურსის ორგანიზატორებმა გავითვალისწინეთ ის, რომ გამომცემლები ნაკლებად ბეჭდავენ პიესებს) და ინოვაციურ საბავშვო პროექტებს.

საკონკურსოდ შემოსული 48 წიგნიდან ფინალურ ეტაპზე გავიდა 18.

იაკობ გოგებაშვილის სახელობის საბავშვო და საყმაწვილო ლიტერატურული   პრემიის წლევანდელი ფინალისტები არიან:

პროზა

თამარ ფხაკაძე – „გრძელცხვირა ჯადოქარი მარსია“ (3-6) ბაკურ სულაკაურის გამომცემლობა;

ირმა მალაციძე – „ექიმი კოდალა“ (7-12)  არტანუჯი;

ნინო სადღობელაშვილი – „განძის თეატრი“ (13+) ინტელექტი;

გიორგი კეკელიძე – „თომას ზღაპრები“.

პოეზია

ლია ბეჟანიშვილი -„ცხრათვალა მზე დაგვნათის“ (3-6) ირიდა;

მარიამ წიკლაური – „მხიარული რეცეპტები“ (7-12) სეზანი.

ილუსტრირებული წიგნი

რუსუდან ყიფიანი – ბონდო მაცაბერიძე, „წვიმის ზღაპარი“ (3-6) ბაკმი;

დეა სოსელია – ფარნა-ბექა ჩილაშვილი, „ნამცეცა“ (7-12) არტანუჯი;

ვარლამ ჯმუხაძე – კიპლინგი, „აი, როგორ და რატომ“ (7-12) არტანუჯი.

დრამატურგია

მანანა აბრამიშვილი – „ბაყაყი ყიყო და ვარსკვლავი“;

ლელა ცუცქირიძე – „ზანზარა და ზუ“;

ნინო სადღობელაშვილი „შვიდი სიმღერა“.

თარგმანი

თეა ბაკურაძე – მაიკლ ბონდი „დათვი, სახელად პედინგტონი“ ბაკურ სულაკაურის გამომცემლობა;

ციცო ხოცუაშვილი -რ.ჯ.პალაციოს “ავგუსტი და მე”, ბაკურ სულაკაურის გამომცემლობა;

ეკატერინე სუმბათაშვილი – მარკ ჰედონის “რა შეენთხვა რამით ძაღლს და სხვა უცნაური ამბები” ბაკურ სულაკაურის გამომცემლობა;

ლელა ფიროსმანაშვილი – ნილ გეიმანის “სასაფლაოს წიგნი” ბაკურ სულაკაურის გამომცემლობა.

ინოვაციური პროექტი

ირმა მალაციძე „ვიმღეროთ, რათა ვილაპარაკოთ“;

კოტე იანტბელიძე „კრეატორის დღიური“.

იაკობ გოგებაშვილის სახელობის საბავშვო და საყმაწვილო ლიტერატურული პრემიის გამარჯვებულთა დაჯილდოება გაიმართება 30 ოქტომბერს, მწერალთა სახლში.

კომენტარები

კომენტარი